Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
:: Dilşad
 
Zarok, pêleyistok û ziman
2011-01-07 18:41
:: Dilşad
info@kurdigeh.com

Pêlên xewê ber bi min ve dihatin û hêdî hêdî barê çavên min giran dikir. Hîn ez di nêv pêlên xewê de nexeniqîm, min divê ez hinekê behsa îro bikim.

Ez li Eskişehirê dixwînim û îro jiyanê ne wek rojên dî dest pê kir ji bo min. Hîn fecara siharê telefona min lê da (ez çav li xew bûm) û min vekir. Yê telefon dida min hevalê min bû.( Bi rastî ez hinekê tirsîyam min digot qey tiştek xirap qewimîye! ). Û wî got em ê iro biçîne taxeka feqiran(jaran) û em ê ji bo zarokan pêleyistokan bibin ma tu jî nayê?

Min jî dest û çavên xwe şûşt û hîn min taştê nexwarî ez bi rê ketim. Ez giham hevalên xwe û em ber bi taxê ve çûyîn.

Wexta em gihayîn taxê zarokan pêşîya me girt û bi keyfê(hinekan ji bo pêleyistokan) pêşwazî li me kirin. Em bi hev re rûniştîn û me dest bi sihbeta bi zarokan re kir. Hevalên min ( yên tîrk) bi tirkî ji zarokan pirsîn:

- Ka navê we çî ye?

- Tu çend salîyî?

- Tu diçî dibistanê ?.....

Min fekirê bersivên zarokan û axaftinen wan gelek qels in. Hingê bîra zarokatîya min hat bîra min wexta mamosteyê min ji min dipirsi(bi tirkî) navê te çî ye? Bersiva min jî qels bû. Û min ji xwe re digot hebe nebe ev ne tirk in û ev kurd in.

Piştî çend deqîqeyeka dî min jî ji wan bi kurdîyê pirsi

- Ka navê we çî ye?

Hemîyan her wekî heçî zûtir bibêje dê xelatekê ji min bistine navê xwe ji min re got. Êdî rengê zarokan hatibû guhertin û her wekî ne ew zarokên ji berîya çend deqîqeyekê bi qelsî bersiv didan. Rengê wan geş bûbû û yêkê ji wan ji min re got mamo ez ji te re stranekê bibêjim? ( her wekî pişta xwe dayî çîyayî wusa di axaft).

Belê ez gelek dirêj nakim. (Pêlên xewê jî zêdetir dibin.) îro dîsa min dît ko mirov li kû derê be bila lê be pê xwe û zimanê xwe dikare keyfxweş bibe. Jîyan mirov dema ko bi zimanê xwe bijî xweş e. Wek di kurdîgehê de jî hatîye gotin sîyaseta herî mezin xwedî derketina li zimanî ye.

>> Dilşad, Gundik

_______

Edîtor: Dilşad, xwendekarekê zanîngehê yê beşa dermansazîyê ye. Bi 20 saliya xwe ve dilê wî bi kurdiyê dijene. Mûzîka Kurdîgehê bi jenîna dilê wî dewlemendtir e.

Tu li ser xêrê hatî jenîngeha dilê me yê kurdîhez.
_____

PEYVISTAN ( Amadekar: Miradê Gundikî )

_____

Eskîşehîr: Bajarek yê Tirkiyeyê ye.

Fekirin: Nêrîn, meyzekirin, berê xwe dayin. (min fekirê: Min lê nêrî)

Min divê: Ez dixwazim

Fecara siharê: Serê sibeyê

Heçî ... : Yê/ya ko ... ( Ji bo nimûne: Heçî karî pêşiyê bersivê bide ez ê xelat bikim. Yê/ya ko bikare pêşiyê bersivê bide ez ê xelat bikim) “heçî” bi awayeka dî jî tê bi kar anîn, ji bo mestere(nimûne): Heçî ez im dibêjim nebaş e ko tu di vê sermahîyê de derbikevî derve. Yanî bi hizra min, bi fikra min, heke tu ji min bipirsî .... , nebaş e ko tu di vê sermahîyê de derbikevî derve