Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
:: Ayhan URMÎYE
 
Mafên heyvanan û tama mûzan
2013-12-15 08:37
:: Ayhan URMÎYE
info@kurdigeh.com
Mafê heyvana û tama mûzê


Du çêlên min hebûn yek sor a dî jî reş min ji çêla reş re pir hez dikir, navê wê Beşê bû û bi rastî aqil û zana, lê çêla min a sor nezan û bê aqil herama reş be eger zanîba insaniyet çiye ?

eger rojekê têr neçerîba hema dibû kûçik, wekî jinmama min dema titûna xwe xilas dikir dibû agir diket canê mirîşka, bila niha êdî çêl bê qedr in û hemû çêlên xwe difroşin didin erebe lê dema me kesê ku 2 çêl hebana paşa bû.tê bîra min, min rojekê Beşê û sorê îşkence kirin ber ku cih de nedisekinîn û moz kirin,Beşê xare xar bera xwe da min û dilê xwe de got : Kero ma tu jî insan î ? Şeytan dêje şaxekê lêde bila heftiyekê razê, paşê jî got: heyvan ma tu nizanî mafê heyvana çiye ?

min tenê dizanî mafê mêra heye ber ku mamo rojê sê dana jinmam dikire şîş!wê rojê wêde min zanî ku bilî mafê mêra mafê jina jî heye ber ku dema mafê heyvana hebe mafê jina jî heye , min Beşê re bi dengek bilin kire borîn da ku bêjmê aha min zanî ku te çi got roja din min nava gavana de got : hevalno çêlên xwe îşkence nekin ma hû nizanin mafê heyvana jî heye ?

Heto û gavanên dî bi dengek bilind keniyan, roja din bavê min ez birim cem mele û ez gavanetiyê jî havêtim. piştî çend roja kurmamê min ku taze bajêr hatibû serdana min kir û min re basa xwarina mûzê kir ,heya wê demê min tene televizyonê de mûz dîtibûn lewma min pirsî ka bêje tama mûzê çava bû?

got : wekî zerdela ye û devê mirov de dihele.xeyala xwarina mûzê çend sala serê min de bû heya ku bû qismet min xwar tama wê ew nebû ewa ku kurmam digot lê piştî xwarina mûzê min elaqeya mafê çêla û tama mûzê zanî .

heya tiştekê tu tam nekî tu nizanî çi ye? carek din min gavan kom kirin û min felsefeya tama mûzê wan re got ez baver im nezanîn min çi got lê tama mûzê wekî çêla gilêz ser devê hemûyan xist .piştî wan hemû salan min profîla FACEBOOK"a Heto wê rojê dît resmê xwe û çêleka belek kiriye wêneyê profîlê lê bawer nakim piştî xwarina mûzê jî zanîbe mafê heyvana çi ye!

-----
Ayhan Urmîye
---
ئەلەقەیا مافێن ھەیڤانان و تاما مووزان


دو چێلێن من ھەبوون یەک سۆرا دی ژی رەش من ژ چێلا رەش رە پر ھەز دکر، ناڤێ وێ بەشێ بوو و ب راستی ئاقل و زانا، لێ چێلا منا سۆر نەزان و بێاقل ھەراما رەش بە ئەگەر زانیبا ئنسانیەت چیە ؟

ئەگەر رۆژەکێ تێر نەچەریبا ھەما دبوو کووچک، وەکی ژنماما من دەما تتوونا خوە خلاس دکر دبوو ئاگر دکەت جانێ مریشکان، بلا نھا ئێدی چێل بێقەدرن و ھەموو چێلێن خوە دفرۆشن ددن ئەرەبە لێ دەما مە کەسێ کو ٢ چێل ھەبانا پاشا بوو.

تێ بیرا من، من رۆژەکێ بەشێ و سۆرێ ئیشکەنجە کرن بەر کو جھ دە نەدسەکنین و مۆز کرن،بەشێ خارە خار بەرا خوە دا من و دلێ خوە دە گۆت : کەرۆ ما تو ژی ئنسانی ؟ شەیتان دێژە شاخەکێ لێ دە بلا ھەفتیەکێ رازێ، پاشێ ژی گۆت: ھەیڤان ما تو نزانی مافێ ھەیڤانا چیە ؟

من تەنێ دزانی مافێ مێرا ھەیە بەر کو مامۆ رۆژێ سێ دانا ژنمام دکرە شیش!

وێ رۆژێ وێ دە من زانی کو ژ بلی مافێ مێرا مافێ ژنان ژی ھەیە بەر کو دەما مافێ ھەیڤانا ھەبە مافێ ژنا ژی ھەیە ، من بەشێ رە ب دەنگەک بلن کرە بۆرین دا کو بێژمێ ئاھا من زانی کو تە چ گۆت رۆژا دن من ناڤا گاڤانا دە گۆت : ھەڤالنۆ چێلێن خوە ئیشکەنجە نەکن ما ھوو نزانن مافێ ھەیڤانا ژی ھەیە ؟

ھەتۆ و گاڤانێن دی ب دەنگەک بلند کەنیان، رۆژا دن باڤێ من ئەز برم جەم مەلە و ئەز گاڤانەتیێ ژی ھاڤێتم. پشتی چەند رۆژا کورمامێ من کو تازە باژێر ھاتبوو سەردانا من کر و من رە باسا خوارنا مووزێ کر ،ھەیا وێ دەمێ من تەنە تەلەڤزیۆنێ دە مووز دیتبوون لەوما من پرسی کا بێژە تاما مووزێ چاڤا بوو؟

گۆت : وەکی زەردەلایە و دەڤێ مرۆڤ دە دھەلە.خەیالا خوارنا مووزێ چەند سالا سەرێ من دە بوو ھەیا کو بوو قسمەت من خوار تاما وێ ئەو نەبوو ئەوا کو کورمام دگۆت لێ پشتی خوارنا مووزێ من ئەلاقەیا مافێ چێلا و تاما مووزێ زانی . ھەیا تشتەکێ تو تام نەکی تو نزانی چیە؟ جارەک دن من گاڤان کۆم کرن و من فەلسەفەیا تاما مووزێ وان رە گۆت ئەز باوەرم نەزانین من چ گۆت لێ تاما مووزێ وەکی چێلا گلێز سەر دەڤێ ھەموویان خست .پشتی وان ھەموو سالان من پرۆفیلا فاجەبۆۆکعا ھەتۆ وێ رۆژێ دیت رەسما خوە و چێلەک بەلەک کریە وێنەیا پرۆفیلێ لێ باوەر ناکم پشتی خوارنا مووزێ ژی زانیبە مافێ ھەیڤانان چیە!