Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
Ehmed BAYRAM
 
ÇİYAYÊN XEMGÎN - چİیایێن خەمگین
2015-05-18 18:50
Ehmed BAYRAM
info@kurdigeh.com
ÇİYAYÊN XEMGÎN
Ewrên reş û tarî serê çiyayên kurdistanê girtibûn. Ne berf dibarî , Ne jî baran. Ev çend roj in Cudî û Herekol jî wekî çiyayên Kurdistanê yên dî, rûyê rojê ne dîtibûn.


Beriya ewrên reş, dema ku dibû zivistan serê Cûdî û Herekolê, ji berfê spî dibû. Carinan ewrên spî xwe didan paş, dibû sahî û trêjên rojê rûyê wan geş dikir.


Di heyîva adarê de li srûşta Kurdistanê dibû keyf û şahî, hêdî hêdî pelên daran dibişkivîn, sosin, pîvok û lîlozan reng didan kirasên çiyayên kurdistanê, çûkan bi denge xwe yên zîz stran digotin û çem û nal jî bi berfa çiyayên Kurdistanê û bi barana ewrên spî tejî dibûn û diherikîn her parçeyên Kurdistanê ; Lê bi hatina ewrên reş dar bê pel, kulîlk bê reng, çûk bê stran mayî bûn û çem bê av, nal jî ziwabûbûn. Rûyên çiyayên kurdistanê tarîbûbûn, êdî trêjên rojê winda bûbûn.

Çiyayên Kurdistanê li hêviya ewrên xwe yên spî bûn, da ku Kurdistanê ji van rojên reş xilas bike .


Rojekê ewrên spî bûn yek hêz û ji bo welatê xwe rizgar bikin bi hev re êrîş birin ser ewrên reş, her çi qes bedelek mezin dayîbin jî lê welatê xwe ji tarîtiyê xilas kirin. Ji vê derê û pê de welatê wan her dem ronî bû.

Rojekê Srûşta vî welatî bi hevre biryarek dan, birayara wan jî ji bo nîşanên azadiyê bû. Bi biryarê dar, giya û kulîlkan bi rengên xwe li ser çiyayên kurdistanê alaya rizgariyê çêkirin; Çûk û ajalan bi denge xwe sirûda azadiyê çêkirin.

Hêdî keyf û şahî ji kurdistana wan xilas nebû.
-----------

EHMED BAYRAM
28.04.2015- Gundikê melî

چİیایێن خەمگین

ئەورێن رەش و تاری سەرێ چیایێن کوردستانێ گرتبوون. نە بەرف دباری ، نە ژی باران. ئەڤ چەند رۆژن جودی و ھەرەکۆل ژی وەکی چیایێن کوردستانێیێن دی، روویێ رۆژێ نە دیتبوون.

بەریا ئەورێن رەش، دەما کو دبوو زڤستان سەرێ جوودی و ھەرەکۆلێ، ژ بەرفێ سپی دبوو. جارنان ئەورێن سپی خوە ددان پاش، دبوو ساھی و ترێژێن رۆژێ روویێ وان گەش دکر.

د ھەییڤا ئادارێ دە ل سرووشتا کوردستانێ دبوو کەیف و شاھی، ھێدی ھێدی پەلێن داران دبشکڤین، سۆسن، پیڤۆک و لیلۆزان رەنگ ددان کراسێن چیایێن کوردستانێ، چووکان ب دەنگە خوەیێن زیز ستران دگۆتن و چەم و نال ژی ب بەرفا چیایێن کوردستانێ و ب بارانا ئەورێن سپی تەژی دبوون و دھەرکین ھەر پارچەیێن کوردستانێ ؛ لێ ب ھاتنا ئەورێن رەش دار بێ پەل، کولیلک بێ رەنگ، چووک بێ ستران مایی بوون و چەم بێ ئاڤ، نال ژی زوابووبوون. روویێن چیایێن کوردستانێ تاریبووبوون، ئێدی ترێژێن رۆژێ وندا بووبوون.

چیایێن کوردستانێ ل ھێڤیا ئەورێن خوەیێن سپی بوون، دا کو کوردستانێ ژ ڤان رۆژێن رەش خلاس بکە .
رۆژەکێ ئەورێن سپی بوون یەک ھێز و ژ بۆ وەلاتێ خوە رزگار بکن ب ھەڤ رە ئێریش برن سەر ئەورێن رەش، ھەر چ قەس بەدەلەک مەزن داییبن ژی لێ وەلاتێ خوە ژ تاریتیێ خلاس کرن. ژ ڤێ دەرێ و پێ دە وەلاتێ وان ھەر دەم رۆنی بوو.ھێدی کەیف و شاھی ژ کوردستانا وان خلاس نەبوو.

رۆژەکێ سرووشتا ڤی وەلاتی ب ھەڤرە بریارەک دان، برایارا وان ژی ژ بۆ نیشانێن ئازادیێ بوو. ب بریارێ دار، گیا و کولیلکان ب رەنگێن خوە ل سەر چیایێن کوردستانێ ئالایا رزگاریێ چێکرن؛ چووک و ئاژالان ب دەنگە خوە سروودا ئازادیێ چێکرن.

ھێدی کەیف و شاھی ژ کوردستانا وان خلاس نەبوو.
-----------

ئەھمەد بایرام
٢٨.٠٤.٢٠١٥- گوندکێ مەلی