Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
[helbest] duho
2011-10-01 00:04
Şêro Dalînî
info@kurdigeh.com

Duho di xew de û di xirxira nerîneke şemitî de
ez pêrgî gewdê te yê bilind bûm
dîlan di xumxuma tozê de
gur dibû
lîlandin bê şerm dibûn
meyger di bin şûşeyên xwe de di beziyan
ken dirêj û bi beloq dibû.

Tiliyên te wateya hilata rojên nû ne

neynûkên te
destpêka xeweke nû ye.


Di dawa himbêza min de wek ku tu li hespekî ji bezê hatî
siwar bibe
û bikele
û bikene

tu pîneya keserên harî

bihêle ji girîza şevên te têr şîravê birêjim
bihêle di gerdena te de
cotbikim
bihêle buharan bipejirînim
bihêle demsalên nû bi afirînim
bihêle kenê li ser lêvên te yên qelişî
av bidim.

_____________________

Şêro DALÎNÎ