Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
[helbest] Stenbol
2011-11-22 00:23
Nazê BAWERÎ
info@kurdigeh.com
stenbol

...

li ser behrê keştiyek,

di keştiyê de helbestvanek

bi pênûsa xwe sînga behrê diçirand

helbesteke ji behra xeman e stenbol...


kalemêrek li nav kolaneke Silêmanî

di destan de bilûrek, bi newayên dilşewat,

bi serê tiliya xwe bîranînan dilorand

serxweş dikir stenbol...


kurikekî Galatayê masî digirt

kişand û kişand nîka xwe

di dawiyê de, min dît

stenbolê girt, dilê xwe de dagirt


ber deriyê mizgeftê genim difiroşe pîrikek

simîtan diavêje qaqlîbazan merivek

bi hestên birçî lê dinêre zarokek

dengê qaqlîbazan de qajîneke stenbol...


xortekî ji cixara xwe mijek kişand

dûyek evînî li ruyê keçikê xist

keçikê li gîtara xwe xist,

newayê li ber dilê stenbolê dayxist


dimeşin li aliyekî ew, li aliyekî ez

diherike navberê de stenbol

li avrêlê de baranekî qels e

meşên me yên di nav kavilan e stenbol



li dîmenê dinêrim;

çawa jiyan e, çawa bajar e ?


şanogehek bê perde,

bê temaşevan û lîstikvan

navnîşana kurtejiyana evînên min e

stenbol

...

Nazê Bawerî

- Ev helbest di hejmara 6ê ya kovara PênGAVê de jî belav bûye. -

-----






Pêngav*




Gaveka zimanê zanistî …




Gaveka xwendekarên zanîngehan …




Gaveka nivîskarên ciwan …




Pêngavên nû yên zimanê kurdî …




PÊNGAV







Ka tu çend GAVan nêzîkî Pêngavan î?






PÊNGAVekê bikire …






û tu jî GAVekê biavêje








www.kurdigeh.com ...