Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
Kitêba Şaneşîn-ê ya nivîskarê Kurdîgehê Bawer Ronahîyî ji weşanxaneya AVESTAyê derket
2012-12-16 12:15
Kurdîgeh - Kurdistan
info@kurdigeh.com
Kitêba çîrokan a Bawer Ronahî “Şaneşîn“ di nav weşanên Avesta de derket. Ev yekem kitêba nivîskar e. Tu bi xêr hatî Bawer Ronahî!



Bawer Ronahî di payîza sala 1987an de li navçeya Miksê ku li ser Wanê ye, hatiye dinyayê. Li Stembolê, kêfa wî ji xwendina zanîngehê re nehatibe jî, şeş salan xwe spartiye bextê der û deverên Bosporûsê. Paşê ji ber zext û zordariya dayika xwe neçar maye ku vegere Wanê û şaneşîna xwe ya şox û şên. Demekê meyfiroşî kiriye lê ji ber ku li şûna firotinê hemû şerabên xwe vexwarine, dev ji vî karî jî berdaye. (Ya rastî top avêtiye!) Nivîs û çîrokên wî di malperên ecêb de -ku haya kesî jê tune- û di kovarên wekî Çirûsk, W û pênGAVê de weşiyane. Niha li Mêrdînê tutina Xursê dikêşe û careke din xwe li xwendina zanîngehê diceribîne. Ya bi xêr!..



Ji çîroka “Cixare”



Min dizanî ku êdî ez di destê vê êşê de hêsîr û belengaz im û heta ku qewlê min û kişandina wê neqede her kêliya jiyana min wê bi vê êşa dilê daxkirî bibihure li min. Lê car dibû min bextewarî û kêfxweşî ji wê êşê pê ve nas nedikir. Hemû stran û helbestên melankolîk ji bo min derman bûn. Lewma jî min hemû fîlmên ku me bi hev re temaşe kiribûn dianîn bîra xwe û ku ez careke din temaşe bikim. Hemû avahiyên ku me bi hev re saetek, rojek an jî şevek lê derbas kirî, ji bo min perestgeh bûn ku ji bo kişandina êşa tunebûna wî ava bûbûn. Pê de, min fêm kir ku kolanên em bi hev re qasekê lê mane jî, ji bo min behaneyek bûn. Min ê li wan kolanan birînên dilê xwe bixweranda. Gava fikra dûrketina ji vî bajarî diket hişê min, bi wêrekî min ehd li bajêr dixwend ku ez ê nereviyama.



Şaneşîn

Bawer Ronahî

ISBN: 978-605-5279-26-4

13x19.5, 80 rûpel, 10 L

www.avestakitap.com

https://www.facebook.com/wesanenavesta