Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
Li Kurdîyê(kurmancî) ‘’Rûpelek’’ û du kitêbên nû vebûn
2013-01-02 10:44
Murat Bayram
miradgundiki@gmail.com
Nivîs.

Nivîs an jî nexişandina gotinan ya bi rêya nivîsînê ew qasê bi hêz e ko gotinên yezdanan jî xwe bi wê rêyê digihîne mirovan.

Ziman.

Nemaze ji bo kurdan ne bi tenê rêyeka têkilîdanînê, hest-der-kirinê an jî tişteka welê ye, ji bo kurdan hima rastorast(rasterast) wek gotina Şekispîrî ye, ‘’hebûn an jî nebûn’’ e.

Di vê rewşa hebûn û nebûnê de, ji bo ko mirov an jî zimanê neteweyekê bikare heyî be û xwe li stûnên herikîna demî û guherînê baş bigire, divêt ew jî wek gotinên pîroz ên yezdanan xwe bigihîne serkaniya nivîsînê.

Nivîsîn kanîyeka eslî ye ko her dem diherike lê tişteka pir giring heye ko ‘’heger serkanî zelal be dûvkanî ji xwe zelal e’’[gotina pêşîyan] û ji ber wê yekê divê ew serkanî zelal bê hiştin.

Ez yek carê jî naveşêrim ko ez heyranê wan kesan im ko ew serkaniyan zelal dikin.

Nemaze em kurd ketine di şêlotîyeka pir ecêb de, em du tiştên ji êk cida têkliêk dikin, em ‘’zimanê dayika xwe’’ û ‘’zimanê xwe yê dayikê têkliêk dikin’’ û min di du kitêban de karkerîya zelalkirina zimanê dayikê yê xwe dît.


Belê, min cara pêşiyê ji beriya sê rojan, bi du kitêban, ‘’Weşanxaneya Rûpelê’’ nas kir. Yek ji wan kitêban ‘’rêbera rastnivîsînê’’ ya Mistefa Aydoganî bû û ya dî jî ‘’ji bo rastnivîsînê ferhenga kurdî(kurmancî)-tirkî’’ ya bi amadekariya Malmisanijî, ya Mistefa Aydogan, Zana Farqînî, Newzad Hirorî, Huseyîn Kartal, Remzî Kerîm, Mehmûd Lewendî, M. Emîn Narozî û Reşo Zîlanî bû.

Nayê bîra min lê di kitêbekê de hatibû nivîsîn ko ‘’mirov ji birînên hev hez dike’’. Cara pêşiyê dema ko min dest avêt kitêba bi navê rêbera nivîsînê û paşê min dest avêt ferhenga rastnivîsînê, ‘’min ji birînên, ew kitêb dane nivîsîn hez kir’’.

Min di wan de helbet zimanê dayika xwe û ‘’gundê xwe’’ dît. Lê tişta xweştir ew bû ko min dayika xwe kurmancî û gundê xwe Kurdistan tê de dît. Heger ko em, kurd neteweyek bin ji beriya ko em kur an jî keça dayika xwe bin em zarokên neteweya xwe ne û ‘’gundê me, Kurdistan e’’ ko ‘’gundê’’ neteweyî ye û ‘’dayika me, kurdî ye’’ ko dayika neteweyî ye.
Nizanim kitêbin dikare xwendevanan çende hestebar bike lê ez pê hesiyam ko birîneka min ya kûr tê kewandin…

Piştî xwendineka kûr(ko kitêb hêjayên wê yekê ne) em ê behsa naveroka kitêban minaqeşeyên li ser wan, rexne û têbinîyên xwe bibêjin.

:.. Mirad Gundikî