Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
Konferansa Zimanê Kurdî ya Navneteweyî ya Kurdîgehê
2013-03-05 20:35
Kurdîgeh - Kurdistan
info@kurdigeh.com
KA KEREM BIKIN, WERIN KONFERANSA ZIMANÊ KURDÎ YA NAVNETEWEYÎ YA KURDÎGEHÊ!!!

Roj: 10.03.2013 (yekşem)

Siet: 1ê piştînîvroyê

Cih: Navenda Kongreyan ya Zanîngeha Dîcleyê - Diyarbekir


------

Mijarên Axiftinê:

Rûniştina pêşiyê(ji siet 1ê heta 2 û nîvê)

Prof. Dr. Michiel Leezenberg:
Zimanê zikmakî çi ye û Ji Elî Teremaxîyî heta Ehmedê Xanî çend nûmeyên perwerdekirina li medreseyan.

Prof. Dr. Kadri Yıldırım: Perwerdeya zimanê kurdî îro di çi astê de ye, perwerde bi kîjan meteryalan û bi kîjan rêbazê tê dayin.

Ass. Prof. Zuzan Barwari: Gelo pîvanên perwerdekirinê û çêkirina meteryalên perwerdekirinê çi ne, xusûsîyetên kurdîyê çi ne û divê li gor pîvanên navneteweyî pewerdeya kudrdî bi kîjan rêbazê û kîjan meteryalan bê kirin.

----
navber (ji 2.30ê heta 3yê)
----
Rûniştina didoyê:

Mihemed Sanri: Bi rastî û xeletiyên wê ve zimanê medyaya kurdî.

Prof. Dr. Michael L. Chyet: Rastbînî û ferhengsazî

-----

Kî yê li konferansê biaxivin?
------

Prof. Dr. Michael L. Chyet*
(Kitêbxaneya Kongreya Emerîkayê-Emerîka)


*Ew profesorê ziman û çanda kurdan e.
*Ew dizane bi 32 zimanan biaxive.
*Wî ferhenaga ‘’Kurdish-English’’ ya 847 rûpelî nivîsî û ew li Yale Univesty Pressê çap bû.
*Ew li Zanîngeha Sorbonneyê li Parîsa Fransayê demekê li pişka kurdolojîyê wek Profesor xebitî.
*Ew li Kitêbxaneya Kongreya Emerîkayê dabeşkerê pile bilind e.
*Wî kitêba perwerdekirina zimanê kurdî nivîsî
*Ew çapa didoyê ya ferhenga xwe amade dike û hinek çîrokên Mirad Gundikîyî werdigerîne Zimanê Ingilîzî
Têbînî: Michael L. Chyet dê bi rêya Skype-konferansê, bi kurmancîyê biaxive

----

Prof. Dr. Michiel Leezenberg
(Zanîngeha Van Amsterdamê – Hollenda)


*Ew li Zanîngeha Van Amsterdamê Profesorê felsefeya zimanan e
*Wî Mem û Zîna Ehmedê Xanî ji kurmancîyê wergerandiye Zimanê Hollandî
*Wî gelek lêkolînên berfireh li ser kurdîyê kirine
*Ew dizane bi heşt zimanan biaxive
Têbînî: Michiel Leezenberg dê li konferansê bi kurmancîyê bipeyive.

----

Ass. Prof. Zuzan Barwari*
( Zanîngeha Marylandê – Emerîka)


* Ew pispora meteryalên perwerdekirinê ye.
* Ew li Zanîngeha Marylandê ya Emerîkayê akademîsyen e, dersên amadekirina meteryalên perwedekirinê dide.
* Ew li enstîtûya herî mezin ya dinyayê li DLyê wek pispora îmtihançêkirinê dişixule û yek ji îmtihanên enstîtûyê ya bi navê TOEFL jî tê de, wê rapora pîvandina ji 5000an zêde îmtihanan ya li gor pîvanên zanistî yên nêvneteweyî yên îmtihançêkirinê nivîsîye.
*Ew li 18 welatan ketiye di nav lêkolînên zimannasîyê û wê raporên îmtihanên bi 21 zimanên ji hev cida nivîsîye.
*Ew şêwirmenda kurdigeh.com-ê ya çêkirina meteryalên perwerdekirina zimanê kurdî ye.

----

Prof. Dr. Kadri Yıldırım*
( Zanîngeha Artûklûyê ya Mêrdînê)


*Wî şerha hemî berhemên Ehmedê Xanî-yî kiriye û ji bo berhemên klasîk ên kurmancîyê, nemaze Ehmedê Xanî, yek ji lêkolînerên sereke yê kurmancîyê ye.
*Ew cihgirê serokê Zanîngeha Artûklûyê ya Mêrdînê ye.
*Ew li Zanîngeha Artûklûyê ya Mêrdînê serokê pişka Zimanên Zindî ye.
*Wî kitêbeka rexnelêgirtinê ya li ser wergera Mem û Zînê ya Wezareta Rewşenbîrîyê ya Tirkiyeyê çap kiribû, nivîsî.
*Wî kitêbeka rêzimanê nivîsî.

---

Edt. Mihemed Sanri*

*Wî edîtoriya bi sedan kitêb û kovaran kiriye.
*Wî bi rêzê ve edîtoriya van kovar û rojnameyan kiriye: Medya Günesi, Serbestî û Pelîn
*Ew demekê dirêj bû yek ji edîtorên Weşanxaneya Dozê.
*Ew berpirsê, Nivîsîngeha Kurdistan TVyê ya Stenbolê ye.
*Ew şêwirmendê Kurdîgehê yê çanda kurdan e.
*Mihemed Sanriyî li gelek malperên wek Nefel û Kulturnameyê nivîsar nivîsîne û nivîskarê Nefelê ye.
*Wî wergêrî û nûçegihanî ji bo gelek radyo û televizyonên nêvneteweyî kiriye.

----

Edt. Miradê Gundikî* dê li Konferansa Zimanê Kurdî ya Navneteweyî ya Kurdîgehê moderator be.
-----

Edt. Miradê Gundikî*

*Wî kitêbeka çîrokan nivîsîye, 6 kitêb wergerandiye û edîtoriya 26 kitêban kiriye.
*Wî kurdigeh.com ava kiriye û edîtorê wê ye.
*Wî li Zanîngeha Los Angelesê ya Emerîkayê, Xelata Nivîsîna Herî Afrînêr û Orjînal, stand [bi çîrokên bi kurmancîyê].
*Wî [li 12 saliya xwe] Xelata Serbilindîyê ya Serok Komariya Tirkiyeyê ya Edebiyata Zarokan ji serokkomarê Tirkiyeyê yê berê, ji Ahmet Necdet Sezerî Stand [bi helbestên bi zimanê tirkî].
*Wî ji bo Amnesty International[Rêxistina Bexişînê ya Navneteweyî], Dadgeha Diyarbekirê[ji bo girtîyên sîyasî], DISAyê û Heinrich Böll Stiftung-ê wergêrî kir.
*Wî li 6 kursan mamostetîya rêzimana kurmancîyê kir û kitêboka Kursa Rêzimana Kurmancîyê nivîsî.
*Ew bû şêwirmendê zimanî yê Kovara Wenda-yê û Bernameya Kevanî-yê ya Televizyona Kurd1ê.
*Ew beşdarê Projeya Lêkolîna Ji Bo Kurmancîya Standart ya Mamosteyên Zanîngeha Marylandê ya Emerîkayê û Enstîtûya Zimanî ya Awistiralyayê bû.
*Wî li Rojnameya Evroyê ya Dihokê nivîskarî kir.
---------

Kurdîgeh