Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
[nivîsar] nexweşîya "tirkîzmê" an jî ya "turîzmê"
2011-02-17 08:56
:: Gêko Aydinkaya
g.aydinkaya@gmail.com
Nexweşiya Tirkîzmé

Çima Yesil Varto ?

Çima ne Vartoya kesk ?

Ji ber ko di xwediyê vê barê de nexwesiya tirkîzmé heye.

Dewleta Tirkiyé vîrusek çê kir û di nav kurdan de belav kir ji bo ko kurd gistî bikevin vê nexweşiyê û Tirkiye bi serket jî …

Ev bara li Tirkiyé jî nîne merû[mirov] dibêje mêrik bêçare maye ko navé wê bi tirkî daniye .

Ev bareka li Fransayê ye û li Fransayê her kes azad e, bikaranîna zimanê kurdî ji bo tistên akî (wiha) ra serbest e lê dîsa jî xwediyê barê zimanê tirkî bi kar tîne …

Nexweşiya tirkîzmê di wî de heye û ew nikare bifikire ko tabeleya bi kurdî jî dibe û sed qas jî tirkî xwestir e .

Ev nexweşî refleksekê di mirovan de çê dike, tu ji wî bipirsî ew jî nizane ka ji bo çi navê wê bi tirkî daniye. Refleks e, gava ew difikire ji bo nav bidê ew bi otomatikî bi tirkî difikire .

Ev tabele bi fransî ba zora mera nediçû .
Xwediyê vê barê ne dijminê kurdan e, ew yekê kurdperest e lê ew nizane ko kurdîtî bi parastina zimanî dibe, kurdperestî bi bikaranîna ziman dibe .

Ew nizane ko bi vî awayî ew xizmeta zimanê tirkî û tirkan dike .

Vîrusa nexwesiya tirkîzmê di nav komeleyên kurdan de jî belav bû ye . Zimanê tirkî herî zêde di komaleyên kurdan da tê bi kar anîn.
Wexta ez dikevim komeleye ez slava xwe bi kurdî didim lê ew bi tirkî li min vedigerînin .

Ev tê çi wateyê ?

Tu ji wan bipirsî ew jî nezanin bê çima ew tirkî bersiv didin te, refleks e .

Hinek jî dibéjin ko ew bi kurdî baş nizanin, divê ew zû bi zû xwe fêrî zimanê kurdî bikin
Wer nebe ew ê bimrin û bibin tirk .

Erê komeleyên kurdan li welatê ewropayê ji bo kurdan xebatên pirr gring dikin . Ew di her alîyî de alîkariya kurdên fransayê dikin û çanda me li welatê biyanî diparêzin.

Lê komeleyên kurdan zimanê kurdî ji bîr va kirine. Grîngiyê didin zimanê kurdî lê nadin bikaranîna zimané kurdî !

Çend meh beré li başûré fransa yê komeleyekî nû ava bû . Berê çekirina tabeleya komeleyê hevalekê min xwast ko bila tabele bi kurdî be.

Ew ramana xwe pesniyarî wan kir lê berpirsyarên komeleyê ji wî re gotin ko ew nikarin û tabela xwe bi tirkî çê kirin û daliqandin .

Ji bo çi ew nikarin bi kurdî binivîsin ma gelo di fransayê de kurdî qedexe û ez pê nizanim , qedexe be jî divê em têkoşînê bikin li hember qedexebûne.

Li gor min ji bo kurda tişta herî gring parastina zimanî ye. Ji ber ko bikaranîna zimanê kurdî di nav civata kurda de her diçe kêm dibe . Vîrusa nexweşiya tirkîzme her diçe di nav kurdan de belav dibe û dermanê wê jî pirr kêm e .

Divê kurd dermanê vê nexweşiyê zêde bikin, bi rojnameyan , bi televîzyonan, li ser intenetê, di komeleyan de, li her derê bi bi kar anîna zimanê kurdî ...

Bi vî awayî ez bawer dikim ko em ê nexweşiya “tirkîzmê” têk biînin.
__________