Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
Çapa sêyê ya romana Sidqî Hirorî “Ez û Delal” di nav weşanên AVAyê de derket
2013-11-03 21:03
Kurdîgeh - Kurdistan
info@kurdigeh.com
Çapa sêyê ji romana Sidqî Hirorî Ez û Delal (Min bi tenê nehêlin) di nav weşanên AVAyê de li bakûrê welatî derket. Ev kitêb dikare li gel kitêbên din yên AVAyê, di Pêşangeha Pirtûkan ya Stenbolê de, di 02 – 10/11/2013yê de, li Standa 606 F ya AVAyê bihêt bi dest xistin.


Ez û Delal (Min bi tenê nehêlin)


Delal keçeka Diyarbekirî ye û ew bê razîbûna malbata xwe şû bi Memoyî, wî xurtê ko wê ew di seredana gora Nûhî de nas kirî, dike. Memo bi hêceta ko dê mîta tirk wî ji ber bizava wî ya siyasî bigire, Delala jê bi hamil dihêle û diçe Ewropayê û li Swêdê binecih dibe. Êdî Haya Delalê ji Memoyî nabe. Ew di dawiyê de pê dizane ka Memo li kî derê ye û li bin zexta birayên wê, Memo wê û keça wê bi qeçaxî dibe bo nik xwe li Swêdê.

Memo wê gelek tepeser dike û dikeve dûf jinên dî. Ew weha li wê dike ko ew neçar bibe xwe ji wî bide berdan. Lê Memo bela xwe ji wê venake û dixwaze dirbekî lê bide, yan wê li atafekê bide. Vegêrê çîrokê Rêber di seredana xwe ya bo Diyarbekirê de dibe dostê birayê Delalê û wê li wê derê dibîne û evîneka nû di navbera herduyan de dest pê dike.

Roman bi xwe, ji bilî serhatiya Delalê û Rêberî, wexrek e bo nav jiyana kurdan li Swêdê, Diyarbekirê û kurdên penaber ji başûrê Kurdistanê di kampên tirkan de. Ev çîrok beşê yekê yê Ez û Delalê ye û beşê duyê jî (Li ser rêya evînê) heye.

-------------


چاپا سێیێ ژ رۆمانا سدقی ھرۆری ئەز و دەلال (من ب تەنێ نەھێلن) د ناڤ وەشانێن ئاڤایێ دە ل باکوورێ وەلاتی دەرکەت. ئەڤ کتێب دکارە ل گەل کتێبێن دنیێن ئاڤایێ، د پێشانگەھا پرتووکانیا ستەنبۆلێ دە، د ٠٢ – ١٠/١١/٢٠١٣یێ دە، ل ستاندا ٦٠٦ فیا ئاڤایێ بھێت ب دەست خستن.


ئەز و دەلال (من ب تەنێ نەھێلن)


دەلال کەچەکا دیاربەکرییە و ئەو بێ رازیبوونا مالباتا خوە شوو ب مەمۆیی، وی خورتێ کۆ وێ ئەو د سەرەدانا گۆرا نووھی دە ناس کری، دکە. مەمۆ ب ھێجەتا کۆ دێ میتا ترک وی ژ بەر بزاڤا وییا سیاسی بگرە، دەلالا ژێ ب ھامل دھێلە و دچە ئەورۆپایێ و ل سوێدێ بنەجھ دبە. ئێدی ھایا دەلالێ ژ مەمۆیی نابە. ئەو د داویێ دە پێ دزانە کا مەمۆ ل کی دەرێیە و ل بن زەختا برایێن وێ، مەمۆ وێ و کەچا وێ ب قەچاخی دبە بۆ نک خوە ل سوێدێ.

مەمۆ وێ گەلەک تەپەسەر دکە و دکەڤە دووف ژنێن دی. ئەو وەھا ل وێ دکە کۆ ئەو نەچار ببە خوە ژ وی بدە بەردان. لێ مەمۆ بەلا خوە ژ وێ ڤەناکە و دخوازە دربەکی لێ بدە، یان وێ ل ئاتافەکێ بدە. ڤەگێرێ چیرۆکێ رێبەر د سەرەدانا خوەیا بۆ دیاربەکرێ دە دبە دۆستێ برایێ دەلالێ و وێ ل وێ دەرێ دبینە و ئەڤینەکا نوو د ناڤبەرا ھەردویان دە دەست پێ دکە.

رۆمان ب خوە، ژ بلی سەرھاتیا دەلالێ و رێبەری، وەخرەکە بۆ ناڤ ژیانا کوردان ل سوێدێ، دیاربەکرێ و کوردێن پەنابەر ژ باشوورێ کوردستانێ د کامپێن ترکان دە. ئەڤ چیرۆک بەشێ یەکێیێ ئەز و دەلالێیە و بەشێ دویێ ژی (ل سەر رێیا ئەڤینێ) ھەیە.

--------------------------------------------------------
www.kurdigeh.com - www.kulturname.com