Skip Navigation Links
Destpêk
Nivîsar
Ziman
Peyvistan
Helbest
Çîrok
Mamik
Leyistok
Çandî
Kurdîgeh
Pêwendî
Arşîv
Skip Navigation Links
 
Bihesibîne - بھەسبینە
2014-11-05 12:51
:: Alî BAYRAM
info@kurdigeh.com
Bihesibîne

Bihesibîne ku dirize wext di çavê ciwaniyê de
Kor dibe ronahî di robaran de
pirek hilweşiyayî ye işq di nêvbera hest û hişê min de

Bihisebîne

mirî zindî dibin di efsaneyan de
Hesabên roja qal û belayê ser û bin dibin di çirkekê de
Dê weledê xwe davêje
Namûs namîne di pozê mêran de

Bihesîbîne

Mêrxasî mîtosek romantîk e
di rastiyê de û destan
Xwe-xapandineke tamsar
Derewek dijwar e di devê helbeskaran de
Peyv mirinê digerînin û
Mijek dirinde belav dibe di pirtûkan de

Bihesibîne

Xwedayek heye û roja mehşerê
Min çi kiribe û te çi nekiribe
Nivîsiye di deftera gûnehan de
serê min di sêdaran de dirêj
Temenê min di gîyotîna bêsebiriya celladan de
Risqê me nan û av e bi tenê
Di sifreya bazirganan de
Bê pergal û perekende ye hespê qederê
Û ne xem e

Bihesibîne

Bextewarî bê war maye û
Li me nehesiliye ti car
Ii bin banê vê dinê de esîmanek ta li me nebe sîwan
Sêwîyek li me nebe mêvan
Aramî peyvek bêwate ye di ferhengan de

Bihesibîne

di serperiştiya ayîneke de
Kilamek xwedayî dirijin ji lêvên te
Mirina te pîroz dikin hemû firîşte

Bihesibîne

Li min heram e hesreta te
Evîna te
Hizkirina te

bihesibîne

Mirinek dî heye li pey mirina te.
--------------
Ali Bayram
--------------
بھەسبینە
بھەسبینە کو درزە وەخت د چاڤێ جوانیێ دە
کۆر دبە رۆناھی د رۆباران دە
پرەک ھلوەشیایییە ئشق د نێڤبەرا ھەست و ھشێ من دە
بھسەبینە
مری زندی دبن د ئەفسانەیان دە
ھەسابێن رۆژا قال و بەلایێ سەر و بن دبن د چرکەکێ دە
دێ وەلەدێ خوە داڤێژە
نامووس نامینە د پۆزێ مێران دە
بھەسیبینە
مێرخاسی میتۆسەک رۆمانتیکە
د راستیێ دە و دەستان
خوە-خاپاندنەکە تامسار
دەرەوەک دژوارە د دەڤێ ھەلبەسکاران دە
پەیڤ مرنێ دگەرینن و
مژەک درندە بەلاڤ دبە د پرتووکان دە
بھەسبینە
خوەدایەک ھەیە و رۆژا مەھشەرێ
من چ کربە و تە چ نەکربە
نڤیسیە د دەفتەرا گوونەھان دە
سەرێ من د سێداران دە درێژ
تەمەنێ من د گییۆتینا بێسەبریا جەڵادان دە
رسقێ مە نان و ئاڤە ب تەنێ
د سفرەیا بازرگانان دە
بێ پەرگال و پەرەکەندەیە ھەسپێ قەدەرێ
و نە خەمە
بھەسبینە
بەختەواری بێ وار مایە و
ل مە نەھەسلیە ت جار
ی بن بانێ ڤێ دنێ دە ئەسیمانەک تا ل مە نەبە سیوان
سێوییەک ل مە نەبە مێڤان
ئارامی پەیڤەک بێواتەیە د فەرھەنگان دە
بھەسبینە
د سەرپەرشتیا ئایینەکە دە
کلامەک خوەدایی درژن ژ لێڤێن تە
مرنا تە پیرۆز دکن ھەموو فریشتە
بھەسبینە
ل من ھەرامە ھەسرەتا تە
ئەڤینا تە
ھزکرنا تە
بھەسبینە
مرنەک دی ھەیە ل پەی مرنا تە.
---------------
ئال بایرام