ji min hiz nekin - ژ من ھز نەکن 2015-04-22 19:03 :: Alî BAYRAM info@kurdigeh.com Ji min hiz nekin Ji min hiz nekin Ji rengê min Ji zimanê min ê wek sitrîbeloqan goştê laşê we dibire zirz in peyvên min di qirika "kurmanceke hov" de kedî nabin Zirz in sirûştên sirrê dibirin lê Nikarin dengê te bibirin Di awazên Qebeqeba nêrekewan de Nêr in nêrînên min... Kedî nabin.... Kedî nabe qiriqa bi ramûsanên yarê şil nebûyî Kedî nabe yâra dil bi yar Kulîlka bi biharê şâ nebûyî Ji min hiz nekin Û Navekê li min nekin bo xatirê xwedayê kelamê Ku bi tenê fêrî kurdî nebûye Daxek bi erebî Deqek bi tirkî ye Ya ku dikizire li ser laşê min Ji zarokê min hiz nekin esmer in ew "Êzidîne" Li ber rehma xwedayekê mirî ne Dilopek girî Çavek vemirî ne Ji zarokê min hiz nekin " Helepçeyîne" ew Himbêzek mirin di qefesa sînga bavekê de digerîne Ji zarokê min hiz nekin "Enfalkirîne" ew Li nav çolistaneke ziwa de veşartî ne Ji min hiz nekin û min li jehra biratiya xwe wer nekin Çîrokek hezar saliye kirîvantî Bi xapên zemên li bextreşiya me neqişandî Kû bedena min dihêre Termê min dicû Tixûbên biratiyê Ji min hiz nekin Çermê min reş e weke qedere min Xwîna sor nikare sipî nake kedera min Dizanim xewê li we diherimînin zarokên min ên esmer Çavên wan ên wek sitêrkekê dikin gupegup Û bi şevê re semahê dikin Ji xeyalekê hez dikin Ên li ber alayeke keskewe Li ber ba dibin Û xwe li sirûda azadiyê dipêçin Zarokên li ber sirra zivistaneke spî Xewnekê ji berfê dikolin Spî ne Tî ne Bi evînê dilê xwe şûştine Dizanim bihiştekê dirêsin ji keskesoran Dûrî dest û awirên we Du xwişk û birayên bi firê ketine zarokên min Li esmaneke şîn Perwaz dikin mîna balindeyan Spî ne Esmer in Êzidî ne Weke ramûsanek germ li ser lêvên min qerisîne Helepçeyî ne! ------- Ali Bayram ------ ژ من ھز نەکن ژ من ھز نەکن ژ رەنگێ من ژ زمانێ منێ وەک ستریبەلۆقان گۆشتێ لاشێ وە دبرە زرزن پەیڤێن من د قرکا "کورمانجەکە ھۆڤ" دە کەدی نابن زرزن سرووشتێن سڕێ دبرن لێ نکارن دەنگێ تە ببرن د ئاوازێن قەبەقەبا نێرەکەوان دە نێرن نێرینێن من... کەدی نابن.... کەدی نابە قرقا ب رامووسانێن یارێ شل نەبوویی کەدی نابە یâرا دل ب یار کولیلکا ب بھارێ شâ نەبوویی ژ من ھز نەکن و ناڤەکێ ل من نەکن بۆ خاترێ خوەدایێ کەلامێ کو ب تەنێ فێری کوردی نەبوویە داخەک ب ئەرەبی دەقەک ب ترکییە یا کو دکزرە ل سەر لاشێ من ژ زارۆکێ من ھز نەکن ئەسمەرن ئەو "ئێزدینە" ل بەر رەھما خوەدایەکێ مری نە دلۆپەک گری چاڤەک ڤەمری نە ژ زارۆکێ من ھز نەکن " ھەلەپچەیینە" ئەو ھمبێزەک مرن د قەفەسا سینگا باڤەکێ دە دگەرینە ژ زارۆکێ من ھز نەکن "ئەنفالکرینە" ئەو ل ناڤ چۆلستانەکە زوا دە ڤەشارتی نە ژ من ھز نەکن و من ل ژەھرا براتیا خوە وەر نەکن چیرۆکەک ھەزار سالیە کریڤانتی ب خاپێن زەمێن ل بەخترەشیا مە نەقشاندی کوو بەدەنا من دھێرە تەرمێ من دجوو تخووبێن براتیێ ژ من ھز نەکن چەرمێ من رەشە وەکە قەدەرە من خوینا سۆر نکارە سپی ناکە کەدەرا من دزانم خەوێ ل وە دھەرمینن زارۆکێن منێن ئەسمەر چاڤێن وانێن وەک ستێرکەکێ دکن گوپەگوپ و ب شەڤێ رە سەماھێ دکن ژ خەیالەکێ ھەز دکن ێن ل بەر ئالایەکە کەسکەوە ل بەر با دبن و خوە ل سروودا ئازادیێ دپێچن زارۆکێن ل بەر سڕا زڤستانەکە سپی خەونەکێ ژ بەرفێ دکۆلن سپی نە تی نە ب ئەڤینێ دلێ خوە شووشتنە دزانم بھشتەکێ درێسن ژ کەسکەسۆران دووری دەست و ئاورێن وە دو خوشک و برایێن ب فرێ کەتنە زارۆکێن من ل ئەسمانەکە شین پەرواز دکن مینا بالندەیان سپی نە ئەسمەرن ئێزدی نە وەکە رامووسانەک گەرم ل سەر لێڤێن من قەرسینە ھەلەپچەیی نە! ------- ئال بایرام